Byggðasafn Húnvetninga og Strandamanna

Við á Byggða­safni Hún­vetninga og Stranda­manna bjóðum ykkur vel­komin í heim­sókn. Safnið er í eigu sveitar­félaga við Húna­flóa og var stofnað fyrir fimm­tíu árum síðan. Á safninu er margt ein­stakra muna sem geyma sögu og menningu byggða­lagsins. Þar er fjöldi merkra báta og skipa og ber þar hæst há­karla­veiði­skipið Ófeig úr Ófeigs­firði á Ströndum. Einnig er inni á safninu bað­stofa frá Syðsta-Hvammi við Hvamms­tanga auk fjölda fall­egra og merkra muna sem tengjast lífinu til sjávar og sveita frá seinni hluta nítjándu til fyrri hluta tutt­ugustu aldar.

Tvær nýjar sýningar verða á safninu í sumar. Önnur tengist því að 400 ár eru liðin frá Spánar­vígunum þegar all­margir baskneskir skip­brots­menn sem hingað komu til hval­veiða voru drepnir af Ís­lendingum. Hin sýningin er í tilefni af 100 ára kosninga­afmæli kvenna á árinu. Sýndir verða munir eftir konur og settir í sam­hengi við hug­renningar kvenna í gegnum tíðina. Vel­komin á safn sem segir sögur!