Landnámssetur Íslands

Í hinum fagra bæ Borgar­nesi er Landnáms­setur Íslands til húsa, mitt í sögu­sviði Egils­sögu einnar helstu landnámssögu Íslend­inga­­­sagna.
Í setrinu eru tvær sýn­ing­ar. Í þeim er land­náms­sag­an rak­in og sögu­þráð­ur Egils­­­­sögu. Gest­ur­inn er leidd­ur áfram með hljóð­leiðsögn sem hægt er að fá á 15 tungu­­mál­um auk leið­sagn­ar á ís­lensku sem sér­stak­lega er snið­in fyrir börn frá allt að fjög­urra ára aldri. Sýning­arn­ar eru um margt ólík­ar en eiga það sam­eigin­legt að vera ein­stak­lega skemmti­leg við­bót við frá­­sögn­ina í hljóð­leið­sögn­inni.
Í Land­náms­sýning­unni er not­ast við sjón­varp­sskjái, gagn­virk kort og hægt er að stíga í stefni á víkinga­skipi sem hreyf­ist.
Egils­sýn­ing­in er með allt öðru sniði. Sýn­ing­ar­rými er í nið­ur­gröfn­um stein­kjall­ara gamla pakk­húss­ins og fram­setn­ing er öll dul­úð­ug og drauga­leg, mynd­irnar sem eru gerð­ar í tré eru eftir marga mis­mun­­andi lista­menn.
Nú gefst gest­um einn­ig kost­ur á að njóta þessa merka þjóð­ar­arfs á þeim stöð­um á land­inu þar sem at­burð­irnir gerð­ust. Eft­ir að hafa skoð­að sýning­ar­n­ar um land­nám­ið og Egils­sögu er gest­um boð­ið end­ur­gjalds­laust að hlaða nið­ur í snjall­síma sína lif­andi leið­sögn um sögu­svið Egils­sögu, frá Land­náms­setr­inu að Borg á Mýr­um. Til­val­inn kost­ur fyrir ferða­langa, á eig­in veg­um, að njóta þess besta sem góð­ur leið­sögu­mað­ur hefur uppá að bjóða.
Í Land­náms­setr­inu er einn­ig róm­að­ur veit­inga­stað­ur með úr­vali af góm­sæt­um rétt­um, kaffi­drykkj­um og girni­leg­um kök­um að ógleymdu holl­ustu há­degis­hlað­borð­inu sem er á boð­stól­um alla daga frá kl. 12 – 15.